قصيدة احنا الكفرة
بقلم .... بولس كليب
.....
ايوة احنا الي بنبوس بعض فالكنيسة
ايوة احنا الكفرة الي بتقولوا عليهم ملهمش دين ولا حتي احنا بني ادمين
ايوة احنا الي دايما لارهابكم مديونين
انا الكافر الي بطلب للعالم السلام
انا الي قلبي كله محبة واحترام
ايوة انا اللي اللهي امرني بحب الغير
وانت بكل غشاوة بتقول عليا عدو الله والخير!
مش معني ان انا ساكت وبتقدم للشهادة وانا راضي
يبقي خلاص دمي ضايع وبيروح عالفاضي
لا صدقني عمره ماراح هدر
دمي بيسفك لاجل اسم اعظم قاضي
ماهو انت لو تعرف ان انا ابن البلد هتتمني انك تبقي زيي
دمي بيروح لاجل اسم حبيبه الفادي
وهيفضل دايما للحق بينادي
هفضل دايما استشهد ولا منك هخاف ولاحتي من الموت
ده الموت بالنسبه لي حياة بلاقي فيه النجاة
ايوة طبعا اصل انا عايش فى لعالم ده غريب
مطلوب مني رسالة بكل امانة اوصلها
وليكم بكل المعاني لازم افسرها
انا مسيحي
ايوة انا اللي قلت عليا بعبد الصليب
ايوة انا الي قلت عليا حرام يعيش
من الاخر كدة انا اديني اهوه
قاعد قدامكم واعملوا الي عاوزين تعملوه
تقتلوني .تدبحوني .ترجموني
اهم شئ انكم تخلوني اكمل السعي والجهاد
وانول الشهادة علي اسم حبيبي رب العباد
ايوة طبعا رب العباد!
ماهو اصلا من ايه هخاف
مهما كترت علينا الحروب والمدافع
صدقني الهنا حي ودايما عننا بيدافع
بس كلمة ونفسي اقولها لك
بعد ماتموتني وتغطي الحق دور علي خلاص نفسك
بقلمي اخوكم /بولس كليب
---------------
.